Lesson 13: సువార్తీకరణ పద్ధతులను స్వీకరించడం

► క్రొత్త నిబంధన కాలానికి సువార్త పని, ఇప్పుడు సువార్త పని భిన్నంగా ఉందని మీరు ఎలా అనుకుంటున్నారు?

► మీ దేశంలో సువార్త, మొదటి మిషనరీలు వచ్చిన కాలానికి, ఇప్పటికి భిన్నంగా ఉందని మీరు ఎలా అనుకుంటున్నారు?

జాన్ వైక్లిఫ్ ఇంగ్లాండ్‌లో కాపరి. అతడు క్రీ.శ 1324-1384 కాలములో జీవించాడు. ఆ సమయంలో, ఆ ప్రజల భాషలో బైబిల్ అందుబాటులో లేదు. రోమన్ క్యాథలిక్ సంఘము వారికి నేర్పించిన దానిపై ప్రజలు ఆధారపడవలసి వచ్చింది. చాలా మందికి సువార్త తెలియదు. చాలామంది క్యాథలిక్ యాజకులకు కూడా బైబిల్ బాగా తెలియదు. మతాచార్యులు మతపరమైన ఆచారాలు చేస్తూ, డబ్బు అడుగుతూ, దేశంలో పర్యటించారు. చాలా సంఘములను సువార్త ప్రకటించని ప్రీస్టులు నియంత్రించారు. వైక్లిఫ్ మరియు అతని సహాయకులు బైబిలును ఆంగ్లంలోకి అనువదించారు. ముద్రణయంత్రం ద్వారా ముద్రణ అప్పుడు అందుబాటులో లేదు, కాబట్టి వారు గ్రంథాన్ని చేతితో కాపీ చేశారు. వారు జంటగా ప్రయాణించి, ప్రతిచోటా సమూహాలకు బైబిల్ నేర్పించారు. ప్రజలను వీరు డబ్బు అడగకపోవడంతో వీరిని “పేద ప్రీస్టులు” అని పిలిచారు.

సువార్త ప్రచారానికి సంబంధించిన పద్ధతులు సమాజంలోని పరిస్థితులకు అనుగుణంగా ఉండాలి. వైక్లిఫ్ మరియు అతని సహాయకులు సువార్త ప్రకటన యొక్క ప్రాథమిక భాగాన్ని బోధించారు; వారు బైబిల్ సందేశాన్ని నేరుగా ప్రజలలోకి తీసుకువెళ్లారు.

జాన్ వెస్లీ క్రీ.శ 1703-1791[1] కాలములో ఇంగ్లాండ్‌లో నివసించాడు. ఆ సమయంలో, ఆంగ్లికన్ సంఘము ధనవంతుల సంఘముగా మారింది. వారు ఆచారబద్ధంగా ఉన్నారు మరియు స్పష్టమైన సువార్తను బోధించలేదు. దేశంలోని చాలా మంది పేద ప్రజలు సంఘములలో చేర్చుకొనబడలేదు మరియు వారికి సువార్త ప్రకటించబడలేదు. వెస్లీ ఒక ఆంగ్లికన్ ప్రీస్టు, కానీ అతడు ప్రజలకు సువార్తను ప్రకటించాలనుకున్నాడు. ఒక ఉదయం, అతడు చాలా మంది బొగ్గు గనులలో పని చేసే వారు మార్గంలో ప్రయాణిస్తున్న ఒక ప్రదేశానికి వెళ్ళాడు. అతడు వారికీ బోధించాడు, మరియు చాలామంది సువార్తను విన్నారు. ఆ తరువాత, అతడు తన జీవితాంతం దాదాపు ప్రతిరోజు బయట సువార్తను బోధించాడు. ఆయన పరిచర్య ద్వారా వేలమంది మారుమనస్సు పొందిరి.

► మీ ప్రాంతానికి సువార్తను తెచ్చిన మొదటి వ్యక్తిగా ఏ మిషనరీ మీ జ్ఞాపకంలో ఉన్నాడు?

2003 లో, ఒక వ్యక్తి తన కుటుంబంతో లండన్లో ప్రయాణిస్తున్నాడు మరియు విశ్రాంతి తీసుకోవడానికి ఒక పార్కు వద్ద ఆగాడు. పార్కులోని ఒక చిన్న కొండపై ఒక మహిళ నిలబడి ఉండడాన్ని అతడు గమనించాడు. ఆమె చేతులలో బైబిల్ ఉంది మరియు ఆమె మాట్లాడుతోంది. అతడు దగ్గరికి వెళ్ళాడు మరియు ఆమె మతపరమైన సంగతి ఏదో మాట్లాడుచున్నది అని వినగలిగాడు. ఆమెకు సమీపంలో ఒక స్నేహితుడు నిలబడి ఉన్నట్లు అతడు గమనించాడు, అందువల్ల అతడు ఏమి జరుగుతుందో స్నేహితుడిని అడిగాడు. ఆ మిత్రుడు ఇలా అన్నాడు, “మేము వెస్లీ మాదిరిగానే బయట బోధించే సంప్రదాయాన్ని కొనసాగించే సమూహంలో ఒక భాగం. అప్పుడప్పుడు, మేము బోధించడానికి బహిరంగ ప్రదేశానికి వెళ్తాము. ” అని అన్నాడు. ఏదేమైనా, ఆ స్త్రీ కొద్ది మంది ప్రయాణిస్తున్న ప్రదేశంలో నిలబడి ఉందని, ఆమె చెప్పుచున్నది గాని ఎవరు వినడము లేదు. బయట నడిచి వెళ్ళే వ్యక్తుల దృష్టిని ఆకర్షించడానికి ఆమె శైలి ప్రభావవంతంగా లేదని ఆ మనుష్యుడు గమనించాడు. ఆమె సంప్రదాయాన్ని కొనసాగించడానికి ప్రయత్నిస్తోంది, కాని మొదట ఈ పద్ధతిని సమర్థవంతంగా చేసిన ఆ ప్రభావము, వారి ఉద్దేశ్యము ఇప్పుడు లేదు.

పద్ధతులు తప్పనిసరిగా, పరిస్థితులకు అనుగుణంగా ఉండాలి. కొన్నిసార్లు ప్రజలు సువార్త ప్రకటన చేయడానికి ఒకే ఒక మార్గం ఉందని అనుకుంటారు, మరియు వారు ఇకపై ప్రభావవంతం కాని పద్ధతిని కొనసాగిస్తారు. కొన్నిసార్లు ప్రజలు ఒకే చోట ప్రభావవంతంగా ఉండే పద్ధతి మిగతా అన్నిచోట్లా ప్రభావవంతంగా ఉంటుందని అనుకుంటారు, కాని అది సత్యం కాదు. అది ప్రభావవంతముగా ఉండదు.

చాలా చోట్ల సంఘము ఇంటి నుండి ఇంటికి వెళ్లి, ఇంటింటి సువార్త ద్వారా వారు ఇంకా కలవని వ్యక్తుల తలుపులు తట్టడం ద్వారా సువార్త ప్రకటించింది. ఆ పద్ధతి అనేక మంది మారుమనస్సుకు దారితీసింది, కానీ ఇది ప్రతి ప్రదేశంలో అది ప్రభావవంతంగా ఉండదు.

కొన్ని సంఘములు బస్సులను కొనుగోలు చేసాయి, మరియు ప్రజలను సంఘానికి తీసుకురావడానికి ఆ బస్సులను ఉపయోగించాయి. ఆదివారం ఉదయం, వారు ప్రజలను చుట్టుముట్టే పరిసరాల్లో బస్సును నడుపుతారు. చాలా మంది ప్రజలు “బస్సు పరిచర్య” ద్వారా మార్చబడ్డారు, కాని ఆ పద్ధతి ప్రతి ప్రదేశంలో పనిచేయదు.

ఆదివారం సంఘము భవనానికి వచ్చే జనసమూహానికి సువార్త ప్రకటించడం ద్వారా చాలా సంఘములు సువార్త ప్రకటించాయి. వారు ప్రజలను వేదిక వద్ద మోకరిల్లడానికి ముందుకు రమ్మని ఆహ్వానిస్తారు మరియు రక్షింపబడాలని ప్రార్థిస్తారు. ఈ పద్ధతి ద్వారా వేలాది మంది మార్చబడ్డారు, కాని చాలా మంది రక్షణ లేనివారు సంఘానికి రారు. సంభాషణ ద్వారా ఎవరైనా వారితో వ్యక్తిగతంగా సువార్తను పంచుకుంటే తప్ప చాలా మంది సువార్తను వినలేరు.

అపొస్తలుడైన పౌలు సువార్త పద్ధతులను అనుసరించుటలో చక్కని మాదిరి. అతడు యూదుడు, యూదుల ప్రార్థనా మందిరాలలో మాట్లాడగలడు ఎందుకంటే అతడు అర్హతగల యూదా రబ్బీ, మరియు యేసు మెస్సీయ అని వారికి వివరించాడు. తాత్విక ఆలోచనలను ఆలోచించడానికి ప్రజలు గుమిగూడిన ప్రదేశాలలో కూడా ఆయన మాట్లాడారు. కొన్నిసార్లు అతడు మార్కెట్ ప్రదేశాల్లో మాట్లాడాడు. తరచుగా, అతడు ఇళ్లలోని సమూహాలతో మాట్లాడాడు.

సువార్త గురించి సంభాషణను ప్రారంభించడానికి ప్రజలు అనేక రకాలుగా ఉపయోగిస్తారు. కొన్ని సంఘములు ప్రజల దగ్గరికి వెళ్లి ప్రశ్నలను అడుగుతారు. వారు సమాజమంతా వెళ్లి ఇలాంటి ప్రశ్నలు అడుగుతారు: “సంఘము సమాజంలో ఏమి చేయాలని మీరు అనుకుంటున్నారు? క్రైస్తవ మతం యొక్క అతి ముఖ్యమైన నమ్మకం ఏమిటి? క్రైస్తవుడు అంటే ఏమిటో మీరు ఎలా వివరిస్తారు? ఒక వ్యక్తి క్రైస్తవుడు ఎలా అవుతాడు? ” ఒక వ్యక్తి అభిప్రాయాన్ని ఓపికగా విన్న తరువాత, ఒక క్రైస్తవుడు ఇలా అడగవచ్చు, “ఒక వ్యక్తి క్రైస్తవుడని బైబిలు ఎలా చెబుతుంది, మనము నమ్ముతున్నామని నేను మీకు చెప్పగలనా?” అని వారికీ జవాబు ఇవ్వాలి.

కొన్నిసార్లు బహిరంగ ప్రదేశంలో సువార్తికులు సువార్తను వివరించే చిత్రం లేదా రేఖాచిత్రాన్ని చిత్రించడం ద్వారా ప్రజల దృష్టిని ఆకర్షిస్తారు. మరికొందరు రంగులతో డ్రాయింగ్‌లు వేస్తారు. కొంతమంది సువార్తికులు సువార్త చెప్పేటప్పుడు రంగురంగుల చిత్రాలను బోర్డు మీద ఉంచుతారు[1]

కొన్ని సంఘములు తమ సమాజంలోని ప్రజలకు అవసరమైన ఆచరణాత్మక అంశంపై ఒక సెమినార్‌ను జరిగిస్తారు. అలాంటి కొన్ని అంశాలు వివాహం, పిల్లల పెంపకం, వ్యాపార సూత్రాలు, ఆరోగ్య సూత్రాలు లేదా ఒకరకమైన పని కొరకు శిక్షణ కావచ్చు. సమాజం యొక్క అవసరాలను తీర్చినప్పుడు సంఘము ఏదో ఒక మంచి వారికి చేస్తుంది. రోజువారీ జీవితానికి బైబిల్ సత్యం ఎలా వర్తిస్తుందో చూపించే బాధ్యత సంఘానికి ఉంటుంది. సెమినార్లు సువార్తను నేరుగా ప్రదర్శించకపోవచ్చు, కానీ అది బైబిల్ సత్యాన్ని బోధిస్తుంది మరియు సంఘానికి మరియు పొరుగువారికి మధ్య సంబంధాన్ని అభివృద్ధి చేస్తుంది.

కొన్ని సంఘములు చాలా మంది ప్రయాణిస్తున్న బహిరంగ ప్రదేశంలో తాత్కాలిక ప్రార్థన కేంద్రాలను ఏర్పాటు చేస్తారు. వారు “ప్రార్థన కేంద్రం” అని ఒక బోర్డును ఉంచుదురు మరియు ప్రయాణిస్తున్న వారితో ప్రార్థన చేయమంటారా అని అడుగుతారు, "నేను ప్రార్థించమని మీరు కోరుకుంటున్న అవసరం మీకు ఏదైనా ఉందా?" వారు అవసరాల విషయమై శ్రద్ధ చూపుతారు మరియు వారితో వాదనలు ప్రారంభించరాదు. తరచుగా, వారితో సువార్తను పంచుకునే అవకాశం ఉంటుంది.[2] సువార్త పద్దతి యొక్క అత్యంత ప్రాధమిక అంశం ఏమిటంటే, సువార్తను వినవలసిన వ్యక్తులకు సువార్తను స్పష్టంగా చెప్పాలి. దేవుడు అతనికి శక్తిని ఇస్తాడు ఎందుకంటే వాక్యము మరియు పరిశుద్ధాత్మ విన్నవారిని దోషిగా చూపిస్తుంది, సువార్తను స్పష్టంగా మరియు ప్రత్యక్షంగా తెలియజేస్తే సువార్త పద్ధతి ప్రభావవంతంగా ఉంటుంది.

ప్రతి ప్రదేశంలో మరియు ప్రతిసారీ సంఘానికి ఉన్న సవాలు, ప్రజల దృష్టిని ఆకర్షించడానికి మరియు సమాజమంతా సువార్తను తెలియజేయడానికి ఒక మార్గాన్ని కనుగొనడం.

► మీ నగరంలోని సంఘములు ప్రజల దృష్టిని ఆకర్షించే కొన్ని మార్గాలు ఏమిటి? ఆ పద్ధతులు నిజముగా సువార్తను తెలియజేస్తాయా?

సువార్త యొక్క అత్యంత ప్రభావవంతమైన కార్యం ఒక వ్యక్తి తనకు తెలిసిన మరియు తనను విశ్వసించిన స్నేహితునికి సువార్తను నేరుగా వివరించుట.

ఒక క్రైస్తవుడు, స్నేహితులు మరియు పరిచయస్తులకు సాక్ష్యమిచ్చేటప్పుడు చాలా ప్రభావవంతంగా ఉండాలి, ఎందుకంటే వారు అతని జీవిత మాదిరిని చూశారు. అతని మాదిరి మంచిదైతే, వారు అతని సాక్ష్యాలను గౌరవించే అవకాశం ఉంటుంది. ఒక క్రైస్తవుడు తన విశ్వాసాన్ని చూపించడం చాలా ముఖ్యం, తద్వారా అతడు క్రైస్తవుడని ప్రజలకు ఎల్లప్పుడూ తెలుసుకొంటారు. అతడు బైబిల్ చదవడం లేదా ప్రార్థన చేయడం చూసి ప్రజలు సిగ్గుపడకూడదు, అవమానించకూడదు. అతన్ని తెలిసిన వ్యక్తులు అతడు క్రైస్తవుడని తెలుసుకున్నప్పుడు ఆశ్చర్యపోనవసరం లేదు. అది అతని అలవాటు అని చెప్పగలగాలి.

ఒక క్రైస్తవుడిని పాఠశాలలో లేదా పనిచేసే స్థలములో ఒక మాదిరిగా గౌరవించవచ్చు, క్రైస్తవ మతాన్ని ఇష్టపడని వ్యక్తులు కూడా అతని క్రియలలో మరియు వైఖరిలో స్థిరంగా ఉంటే అతన్ని హింసించే వ్యక్తులు కూడా అతని మాదిరిని గౌరవిస్తారు. అతని జీవితాన్నిచూచి కొంతమంది ప్రార్థన మరియు సలహా కొరకు అతని వద్దకు తప్పక వస్తారు.

కొంతమంది ఒక వ్యక్తికి సాక్ష్యమిచ్చే ముందు కొంతకాలం అతనిని తెలుసుకోవాలి అని అనుకుంటారు. వారు దేవుని గురించి ఒకరితో మాట్లాడే ముందు వారి స్నేహితుడిగా మారడానికి ప్రయత్నిస్తారు. ఒక వ్యక్తి స్నేహితుడి మాట వినడానికి ఎక్కువ అవకాశం ఉంటుంది. ఏదేమైనా, ఒక వ్యక్తిపై చిత్తశుద్ధి మరియు ఆసక్తిని వెంటనే చూపించడం సాధ్యపడుతుంది. మనం కలిసిన వ్యక్తులతో సువార్తను ఎలా పంచుకోవాలో నేర్చుకోకపోతే, ప్రభావవంతంగా ఉండటానికి చాలా అవకాశాలను కోల్పోతాము. “తెరువబడిన ద్వారముల” గురించి మునుపటి పాఠం సువార్త కొరకు సంభాషణలను ప్రారంభించే పద్ధతులను తెలియజేస్తుంది.

ఒక వ్యక్తి ఇలా అన్నాడు, "నేను ఎవరితోనైనా కొన్ని నిమిషాలు ఒంటరిగా ఉన్నప్పుడు, నేను దానిని దేవుడు ఏర్పాటు చేసిన సమావేశంగా భావిస్తాను." సువార్తను ప్రకటించుట కొరకు దేవుడు తనకువ్యక్తిగత అవకాశము ఇస్తాడని తాను నమ్ముతున్నానని ఆయన అర్థం.

అపొస్తలుడైన పౌలు చేయలేని వేరే పద్దతి సువార్తను వ్యాప్తి చేయడానికి మీరు ఏదైనా చేయవచ్చు.

మనము అనేక శతాబ్దాలుగా సంఘము చేయలేని ఒక పద్ధతి సువార్త వ్యాప్తికి ఉపయోగించవచ్చు. అచ్చు యంత్రాలపై ముద్రించిన సువార్త సందేశము.

► ముద్రణయంత్రము లేకముందు పరిచర్య ఎలా ఉండేదని మీరు అనుకుంటున్నారు?

ముద్రణకు ముందు కాలంలో పరిచర్యను ఊహించుకోవడానికి ప్రయత్నించండి. ఒక పుస్తకం యొక్క ప్రతి కాపీ చేయడానికి విద్యావంతుడైన వ్యక్తికి పని దినాలు కావాలి ఎందుకంటే అది చేతితో వ్రాయవలసి ఉంటుంది. పుస్తకాలు ఇప్పుడు ఖరీదైనవి అని మీరు అనుకోవచ్చు, కాని ఒక నైపుణ్యం కలిగిన నిపుణుడిని పది రోజుల పని కొరకు నియమించుకోవడానికి మీరు చెల్లించే అదే ధరను పుస్తకానికి చెల్లించాలని ఊహించుకోండి.

దాదాపు ఆనాడు ఎవరికీ వారి స్వంత బైబిల్ కాపీ లేదు. కాపరి కూడా మొత్తం బైబిల్ కలిగి ఉండకపోవచ్చు. ఇంట్లో బైబిలు చదివే అవకాశం మీకు లేకపోతే ఎలా ఉంటుంది ఊహించుకోండి.

ఆనాడు పాస్టర్లకు శిక్షణ ఎక్కువగా మాట్లాడటం ద్వారా జరిగింది, మరియు వారు విన్నదాన్ని గుర్తుంచుకోవడానికి ప్రయత్నించాలి. ఇతర ప్రదేశాలకు ముద్రిత పుస్తకాలను పంపే మార్గం లేదు. ముద్రణ లేకుండా, పెద్ద మొత్తంలో ఏమీ వ్రాసి పంపిణీ చేయలేము.

► సువార్త వ్యాప్తికి ముద్రణలో సహాయపడే కొన్ని మార్గాలు ఏమిటి?

కరపత్రికలు చిన్న ముద్రిత వ్యాసాలు, వాటిలో సాధారణంగా సువార్తను ముద్రించి ఉంటాయి. క్రైస్తవులు వాటిని వారు ఎదుర్కొనే ప్రజలకు ఇవ్వగలరు. బహిరంగ ప్రదేశంలో కూడా వాటిని పెద్ద సంఖ్యలో ఇవ్వవచ్చు. ప్రజలు వాటిని చదివే ప్రదేశాలలో వాటిని ఉంచవచ్చు.

ఒక వ్యక్తి పరిచయము లేని వ్యక్తికి చాల సేపు సువార్త ప్రకటించకపోతే, కరపత్రిక ఇవ్వడం మంచి మార్గం.

ఒక కరపత్రిక రంగురంగులగా ఉండాలి మరియు ఆసక్తికరమైన శీర్షికతో ఉండాలి. వీధిలో లేదా మరేదైనా బహిరంగ ప్రదేశంలో ప్రజలకు కరపత్రికలు పంపిణీ చేసేటప్పుడు, వారిని చిరునవ్వుతో పలకరించండి. “హలో, ఇది మీకోరకే?” అని మీరు అనవచ్చు. అది ఏమిటో చూడటానికి వారికి ఆసక్తి కలిగిస్తుంది.

మీరు ఇచ్చే కరపత్రికపై చాలా మందికి ఆసక్తి లేదని అనిపించవచ్చు. చాలా మంది వాటిని చదవకుండా విసిరివేయవచ్చు. అయితే, మంచి ఫలితాలు కూడా ఉన్నాయి. ఒక కరపత్రిక యొక్క సందేశం కారణంగా ప్రజలు మార్చబడ్డారు. సాధారణంగా మీరు ఇచ్చిన కరపత్రికల ఫలితాలు మీకు తెలియవు.

కొన్నిసార్లు ప్రజలు జీవితంలో కొంత అనుదిన అవసరం గురించి ఆందోళన చెందుతారు. వారు తగినంత ఆహారం లేదా తగినంత ఆశ్రయం లేదా వైద్య సంరక్షణ లేకుండా ఉన్నారు. వారి అధ్యాత్మిక అవసరం కంటే ఆ అవసరాలు చాలా అత్యవసరం అని వారు భావిస్తారు. సంఘము సువార్తను పంచుకునే మార్గంగా అనుదిన అవసరాలకు ప్రతిస్పందించగలదు. సంభవించే సమస్య ఏమిటంటే, సంఘము యొక్క దృష్టి అధ్యాత్మిక అవసరాలకు బదులుగా భూసంబంధమైన అవసరాలపై కేంద్రీకృతమవుతుంది, రక్షణ పొందని వ్యక్తుల దృష్టి కేవలను భూసంబంధమైన వాటిపైన మాత్రమే ఉంటుంది.

[1]సంఘము అనుదిన అవసరాలకు స్పందించాలి కాని అధ్యాత్మిక ప్రాధాన్యతను నొక్కి చెప్పే కొన్ని పద్ధతులను పాటించాలి.

1. వారి అవసరాలను తీర్చినప్పుడు దేవుని ప్రేమను పంచుకుంటున్నారని వారికీ వివరించాలి.

2. వారు సంఘానికి భిన్నమైన సంస్థగా మారకుండా , విశ్వాస కుటుంబంగా కలిసి పనిచేయాలి.

3. ప్రజలు ఒకరినొకరు చూసుకునే సంఘము యొక్క సహవాసములోనికి కట్టుబడి ఉండటానికి వారు ప్రజలను ఆహ్వానించాలి.

4. వారు సువార్తను పంచుకోవాలి, నిత్యజీవము మరియు ఆశీర్వాదాలు దేవుణ్ణి తెలుసుకోవడం ద్వారా వస్తాయని బోధించాలి.

అనేక పరిచర్య శాఖలు భౌతిక అవసరాలకు స్పందించే కార్యక్రమాలను చేస్తుంటాయి. వారు తమ వనరులు ఉన్నంతవరకు సమాజ అవసరాలకు సేవలు చేస్తారు. వారి లక్ష్యం సువార్తను పంచుకునే అవకాశాలను సృష్టించడం. ఆచరణాత్మక మార్గాల్లో ప్రజలకు సహాయం చేయడం స్నేహితులను చేస్తుంది మరియు సువార్త కొరకు దృష్టిని ఆకర్షిస్తుందని వారు భావిస్తారు. మొదట ఒక కార్యక్రమము, తరువాత ప్రజలతో సంబంధం, తరువాత ప్రజలకు సువార్త.

సహాయం యొక్క కార్యక్రమాలు తప్పు కావడానికి చాలా మార్గాలు ఉన్నాయి. సహాయం ఇచ్చేవారు / సహాయము పుచ్చుకోనేవారు తప్ప మరే సంబంధాన్ని సృష్టించలేరు. కొన్నిసార్లు అవి సువార్తకు ఇవ్వబడిన వాటి నుండి వేరుగా కనిపిస్తుంది, మరియు ప్రజలు సువార్త పట్ల ఆసక్తి లేకుండా సహాయం మాత్రమే పొందుటకు ఇష్టపడుదురు. కార్యక్రమంలో పనిచేసే సువార్తను ప్రకటించకుండా సహాయం అందించడం లో నిమగ్నమై ఉంటారు.

ఫార్ములా సువార్త చుట్టూ తిరగాలి. సంఘము అందరితో మొదటి పరిచయంగా సువార్తను నొక్కి చెప్పాలి.

ఒక సంఘము ప్రపంచానికి సువార్తను ప్రకటించినప్పుడు, సంఘములో క్రొత్త జీవితం యొక్క వర్ణనను చేర్చడానికి వారు నమ్మకంగా ఉండాలి. రక్షణ అనేది ఒక వ్యక్తి, వ్యక్తిగత నిర్ణయం మాత్రమే కాదు, అది ఒక వ్యక్తిని వింతైన, క్రొత్త జీవితంలో ఒంటరిగా వదిలివేస్తుంది. సువార్తను అందించే విశ్వాస సమాజానికి ఆకర్షితులైతే తప్ప పాపులు సాధారణంగా సువార్తను అంగీకరించరు.

యేసు మరియు అపొస్తలుల పరిచర్యలో, సువార్త దేవుని రాజ్యం యొక్క “శుభవార్త” అని మనం చూస్తాము. పాపి క్షమించబడును మరియు దేవునితో సంబంధంలోకి వస్తాడు అనే సందేశం ఇది. అతడు పాపం యొక్క శక్తి నుండి విడుదల పొందును మరియు క్రొత్త వ్యక్తిగా మార్పు చెందును. అతడు విశ్వాస కుటుంబంలోకి ప్రవేశిస్తాడు, అక్కడ అతని అధ్యాత్మిక సోదరులు మరియు సోదరీమణులు అతన్ని ప్రోత్సహిస్తారు మరియు అతని అవసరాలకు సహాయం చేస్తారు.

సంఘము సువార్తను ప్రకటించడానికి దాని ప్రాధమిక లక్ష్యాన్ని చూడాలి. సంఘము నిరంతరం సువార్తపని చేయాలి. ఆత్మల రక్షణకు కృషి చేయడం సంఘము గురి అని అందరూ తెలుసుకోవాలి. అప్పుడు, సంఘము సరైన వ్యక్తులను ఆకర్షిస్తుంది. ఇది సువార్త పట్ల ఆసక్తి ఉన్న వ్యక్తులను ఆకర్షిస్తుంది. ఈ వ్యక్తులు సంఘముతో సంబంధంలోకి వస్తారు, కాబట్టి సువార్త పరిచర్య ఒక సంబంధాన్ని సృష్టిస్తుంది.

అప్పుడు, సంఘముతో సంబంధం ఉన్న ప్రజలకు సంఘము సహాయపడుతుంది. బహుశా ఆ ప్రజలందరూ ఇంకా రక్షింపబడలేదు, కాని వారు సంబంధంలో ఉన్నారు మరియు సంఘము యొక్క సువార్త పరిచర్య ద్వారా ఆకర్షితులయ్యారు.

కాబట్టి, సూత్రము ఏమిటంటే మొదట సువార్త, తరువాత సంబంధం, తరువాత సహాయం (ఇది ప్రోగ్రామ్ కాదు). సంఘము సహాయం కొరకు కార్యక్రమాలను అందించే సంస్థ మాత్రమే కాదు. బదులుగా, సంఘము అనేది వారితో సంబంధం ఉన్న వ్యక్తులకు సహాయపడే వ్యక్తుల సమూహం. వారు కార్యక్రమాలను ప్రారంభిస్తే, ప్రజలు దేవునితో సంబంధం లేకుండా కార్యక్రమాల కొరకు మాత్రమే వస్తారు.

(1) మీ ప్రాంతంలోని సంఘములు ఉపయోగిస్తున్న సువార్త ప్రచారానికి సంబంధించిన పద్ధతులను గమనించండి. సంఘము వెలుపల ప్రజల దృష్టిని ఆకర్షించడంలో పద్ధతులు విజయవంతమవుతాయా? వారికి సువార్తను స్పష్టంగా తెలియజేస్తారా? మీ పరిశీలనలపై 2-3 పేజీలు వ్రాయండి.

(2) కనీసం 100 కరపత్రికలను పంపిణీ చేయండి. మీ అనుభవాన్ని వివరిస్తూ కొన్ని వాక్యాలు వ్రాయండి.