(1) ਨਿਰਦੋਸ਼
ਪਾਸਬਾਨ ਜੋ ਕੁਝ ਗ਼ਲਤ ਕਰਨ ਦਾ ਦੋਸ਼ੀ ਨਹੀਂ ਹੋਣਾ ਚਾਹੀਦਾ। ਜੇਕਰ ਪਾਸਬਾਨ ਆਪ ਸਹੀ ਨਹੀਂ ਕਰ ਰਿਹਾ ਹੈ ਤਾਂ ਉਹ ਦੂਸਰਿਆਂ ਦੀ ਸਹੀ ਰਾਹ ਦੇ ਵਿੱਚ ਅਗਵਾਈ ਨਹੀਂ ਕਰ ਸਕਦਾ। ਪਾਸਬਾਨ ਇੱਕ ਅਜਿਹਾ ਵਿਅਕਤੀ ਹੋਣਾ ਚਾਹੀਦਾ ਹੈ ਕਿ ਜਿਸਨੇ ਇੱਕ ਲੰਬੇ ਸਮੇਂ ਦੇ ਲਈ ਇੱਕ ਸਥਿਰ ਮਸੀਹੀ ਜੀਵਨ ਨੂੰ ਵਿਖਾਇਆ ਹੋਵੇ। ਇਹ ਜਰੂਰੀ ਹੈ ਤਾਂ ਕਿ ਕਲੀਸਿਆ ਉਸ ਤੇ ਭਰੋਸਾ ਕਰ ਸਕੇ ਅਤੇ ਸਮਾਜ ਦੇ ਵਿੱਚ ਇੱਕ ਚੰਗੀ ਗਵਾਹੀ ਰੱਖ ਸਕੇ।
(2) ਇੱਕੋ ਪਤਨੀ ਦਾ ਪਤੀ
ਸੰਸਾਰ ਦੇ ਬਹੁਤ ਸਾਰੇ ਹਿੱਸਿਆਂ ਦੇ ਵਿੱਚ, ਇੱਕ ਨਾਲੋਂ ਜਿਆਦਾ ਪਤਨੀਆਂ ਰੱਖਣੀਆਂ ਇੱਕ ਆਮ ਰਿਵਾਜ ਹੈ। ਇੱਕ ਪੁਰਸ਼ ਦੇ ਲਈ ਪਰਮੇਸ਼ੁਰ ਦਾ ਉਦੇਸ਼ ਇੱਕ ਹੀ ਪਤਨੀ ਦਾ ਹੈ। ਪਾਸਬਾਨਾਂ ਨੂੰ ਇਸਦੇ ਲਈ ਨਮੂਨਾ ਬਣਨਾ ਚਾਹੀਦਾ ਹੈ।
(3) ਸੁਰਤ ਵਾਲਾ (ਗੰਭੀਰ)
ਇੱਕ ਪਾਸਬਾਨ ਨੂੰ ਉਸਦੀ ਸੇਵਕਾਈ ਦੇ ਲਈ ਗੰਭੀਰ ਹੋਣਾ ਚਾਹੀਦਾ ਹੈ। ਉਸਨੂੰ ਇੱਕ ਭਾਵੁਕ ਵਿਅਕਤੀ ਨਹੀਂ ਹੋਣਾ ਚਾਹੀਦਾ ਜੋ ਬਹੁਤ ਜਲਦੀ ਫੈਸਲੇ ਲੈਂਦਾ ਹੈ। ਉਹ ਮਹੱਤਵਪੂਰਨ ਮੁੱਦਿਆਂ ਬਾਰੇ ਸ਼ਾਂਤੀ ਨਾਲ ਸੋਚਣ ਦੇ ਯੋਗ ਹੋਣਾ ਚਾਹੀਦਾ ਹੈ। ਉਸਨੂੰ ਆਪਣੇ ਮਨ ਨੂੰ ਨਿੱਜੀ ਫਿਕਰਾਂ, ਮਨੋਰੰਜਨ ਜਾਂ ਪਰਤਾਵਿਆਂ ਦੁਆਰਾ ਭਟਕਣ ਨਹੀਂ ਦੇਣਾ ਚਾਹੀਦਾ।
[1] (4) ਨੇਕ ਚਲਣ
ਪਾਸਬਾਨ ਦਾ ਵਿਵਹਾਰ ਬਹੁਤ ਨੇਕ ਹੋਣਾ ਚਾਹੀਦਾ ਹੈ। ਉਸਨੂੰ ਬੇਢੁੱਕਵੇਂ ਤਰੀਕੇ ਦਾ ਵਿਵਹਾਰ ਨਹੀਂ ਕਰਨਾ ਚਾਹੀਦਾ। ਉਸਨੂੰ ਆਪਣੀ ਸੇਵਕਾਈ ਦੇ ਸਥਾਨ ਦੇ ਰਿਵਾਜ ਦੇ ਅਨੁਸਾਰ ਆਦਰ ਅਤੇ ਸ਼ਰਧਾ ਵਿਖਾਉਣੀ ਸਿੱਖਣੀ ਚਾਹੀਦੀ ਹੈ।
(5) ਪਰਾਹੁਣਚਾਰ
ਪਾਸਬਾਨ ਇੱਕ ਅਜਿਹਾ ਵਿਅਕਤੀ ਹੋਣਾ ਚਾਹੀਦਾ ਹੈ ਜੋ ਦੂਸਰਿਆਂ ਦੀਆਂ ਜਰੂਰਤਾਂ ਦੇ ਪ੍ਰਤੀ ਪ੍ਰਤੀਕਿਰਿਆ ਕਰਦਾ ਹੈ। ਉਹ ਵਸਤਾਂ ਸਾਂਝੀਆਂ ਕਰਨ ਦਾ ਇਛੁੱਕ ਹੋਣਾ ਚਾਹੀਦਾ ਹੈ। ਉਸਨੂੰ ਅਜਿਹੇ ਲੋਕਾਂ ਦੇ ਨਾਲ ਮਿੱਤਰਤਾ ਅਤੇ ਸਹਾਇਤਾ ਭਰਿਆ ਵਿਵਹਾਰ ਰੱਖਣਾ ਚਾਹੀਦਾ ਹੈ ਜਿੰਨ੍ਹਾਂ ਨੂੰ ਉਹ ਪਹਿਲੀ ਵਾਰ ਮਿਲਦਾ ਹੈ।
(6) ਸਿੱਖਿਆ ਦੇਣ ਯੋਗ
ਪਾਸਬਾਨ ਸਚਿਆਈ ਦੀ ਅਜਿਹੀ ਵਿਆਖਿਆ ਕਰਨ ਦੇ ਯੋਗ ਹੋਣਾ ਚਾਹੀਦਾ ਹੈ ਜਿਸਨੂੰ ਲੋਕ ਸਮਝ ਸਕਣ। ਉਸਨੂੰ ਆਪ ਪੜਾਈ ਕਰਨ ਅਤੇ ਆਪਣੇ ਆਪ ਨੂੰ ਸਿੱਖਿਅਤ ਕਰਨ ਦੀ ਜਿੰਮੇਵਾਰੀ ਲੈਣੀ ਚਾਹੀਦੀ ਹੈ।
(7) ਨਾ ਪਿਆਕੜ
ਇੱਕ ਪਾਸਬਾਨ ਨੂੰ ਖੁਦ ਨੂੰ ਮੈ ਦੇ ਨਾਲ ਮਤਵਾਲਾ ਹੋਣ ਦੀ ਪ੍ਰਵਾਨਗੀ ਨਹੀਂ ਦੇਣੀ ਚਾਹੀਦੀ। ਉਸਨੂੰ ਕਦੇ ਵੀ ਇੱਕ ਸ਼ਰਾਬੀ ਦੀ ਤਰ੍ਹਾਂ ਵਿਵਹਾਰ ਨਹੀਂ ਕਰਨਾ ਚਾਹੀਦਾ। ਇਹ ਸਿਧਾਂਤ ਕਿਸੇ ਵੀ ਅਜਿਹੀ ਚੀਜ਼ ਦੇ ਸੇਵਨ ਕਰਨ ਤੇ ਲਾਗੂ ਹੁੰਦਾ ਹੈ ਜਿਸਦਾ ਪ੍ਰਭਾਵ ਨਸ਼ੇ ਵਾਲਾ ਹੈ।
(8) ਨਾ ਮੁੱਕੇਬਾਜ
ਪਾਸਬਾਨ ਨੂੰ ਕਦੇ ਵੀ ਕੋਈ ਕੰਮ ਧੱਕੇ ਨਾਲ ਜਾਂ ਧਮਕੀ ਦੇ ਦੁਆਰਾ ਨਹੀਂ ਕਰਨਾ ਚਾਹੀਦਾ। ਉਹ ਉਸਨੂੰ ਦੁੱਖ ਪਹੁੰਚਾਉਣ ਵਾਲੇ ਵਿਅਕਤੀ ਨੂੰ ਕਤਲੀਫ਼ ਦੇਣ ਵਾਲਾ ਨਹੀਂ ਹੋਣਾ ਚਾਹੀਦਾ। (ਇਸਦੇ ਨਾਲ ਹੀ ਤਿਮੋਥਿਉਸ ਨੂੰ ਦੂਜੀ ਪੱਤ੍ਰੀ 2:24-25 ਵੀ ਵੇਖੋ)।
► ਕੋਈ ਪਾਸਬਾਨ ਆਪਣੇ ਸਹੀ ਗੁੱਸੇ ਨੂੰ ਕਿੰਨਾਂ ਤਰੀਕਿਆਂ ਦੇ ਨਾਲ ਵਿਖਾ ਸਕਦਾ ਹੈ?
(9) ਨਾ ਪੈਸੇ ਦਾ ਲੋਭੀ
ਦੁਨੀਆ ਦੇ ਲੋਕ ਲਾਭ ਦੇ ਲਈ ਆਪਣੀਆਂ ਗੱਲਾਂ ਨੂੰ ਬਦਲਦੇ ਹਨ। ਕੁਝ ਖਾਸ ਕਿੱਤਿਆਂ ਵਾਲੇ ਲੋਕ ਜਿਵੇਂ ਕਿ ਵਕੀਲ, ਵਸਤਾਂ ਵੇਚਣ ਵਾਲੇ ਜਾਂ ਰਾਜਨੀਤਿਕ ਨੇਤਾ ਲੋਕਾਂ ਨੂੰ ਖੁਸ਼ ਕਰਨ ਦੇ ਲਈ ਸਚਿਆਈ ਨੂੰ ਬਦਲ ਦਿੰਦੇ ਹਨ। ਇੱਕ ਪਾਸਬਾਨ ਦੇ ਕੋਲ ਵੀ ਇਹ ਪਰਤਾਵਾ ਹੁੰਦਾ ਹੈ ਕਿਉਂਕਿ ਪਰਮੇਸ਼ੁਰ ਦਾ ਵਚਨ ਹਰ ਇੱਕ ਨੂੰ ਖੁਸ਼ ਨਹੀਂ ਕਰਦਾ। ਇੱਕ ਪਾਸਟਰ ਸਚਿਆਈ ਨੂੰ ਆਪਣੇ ਆਰਥਿਕ ਲਾਭ ਦੀ ਪਰਵਾਹ ਕੀਤੇ ਬਿਨਾਂ ਸਚਿਆਈ ਦੇ ਪ੍ਰਤੀ ਵਫ਼ਾਦਾਰ ਹੋਣਾ ਚਾਹੀਦਾ ਹੈ।
ਇੱਕ ਪਾਸਬਾਨ ਦੀ ਇਹ ਇੱਛਾ ਹੋਣੀ ਚਾਹੀਦੀ ਹੈ ਕਿ ਕਲੀਸਿਆ ਦੀ ਸੇਵਕਾਈ ਚੰਗਾ ਆਰਥਿਕ ਸਮਰਥਨ ਮਿਲੇ। ਉਸਨੂੰ ਕਲੀਸਿਆ ਨੂੰ ਇਸ ਪ੍ਰਕਾਰ ਚਲਾਉਣਾ ਚਾਹੀਦਾ ਹੈ ਜਿਵੇਂ ਕੋਈ ਪਰਿਵਾਰ ਇਸਦੇ ਮੈਂਬਰਾਂ ਦੀ ਦੇਖਭਾਲ ਕਰਦਾ ਹੈ, ਇਸ ਸੋਚ ਨਾ ਰੱਖਦੇ ਹੋਏ ਕਿ ਉਹ ਉਸਨੂੰ ਕੀ ਦੇ ਸਕਦੇ ਹਨ।
(10) ਆਪਣੇ ਘਰ ਦਾ ਚੰਗੀ ਤਰ੍ਹਾਂ ਪਰਬੰਧ ਕਰਨ ਵਾਲਾ ਹੋਵੇ।
ਇੱਕ ਪਾਸਬਾਨ ਦੀ ਅਗਵਾਈ ਕਰਨ ਦੀ ਯੋਗਤਾ ਘਰ ਦੇ ਵਿੱਚ ਨਜ਼ਰ ਆਉਣੀ ਚਾਹੀਦੀ ਹੈ। ਉਸਦੇ ਬੱਚੇ ਉਸਦੇ ਕਾਬੂ ਦੇ ਵਿੱਚ ਹੋਣੇ ਚਾਹੀਦੇ ਹਨ। ਜੇਕਰ ਉਹ ਆਪਣੇ ਘਰ ਦਾ ਸਹੀ ਪ੍ਰਬੰਧ ਨਹੀਂ ਕਰ ਸਕਦਾ ਤਾਂ ਫਿਰ ਉਹ ਕਲੀਸਿਆ ਦਾ ਵੀ ਸਹੀ ਪ੍ਰਬੰਧ ਨਹੀਂ ਕਰ ਸਕੇਗਾ। ਇਸਦੇ ਵਿੱਚ ਬਾਲਗ ਬਣ ਚੁੱਕੇ ਅਤੇ ਉਸਦੇ ਅਧਿਕਾਰ ਤੋਂ ਦੂਰ ਬੱਚੇ ਸ਼ਾਮਿਲ ਨਹੀਂ ਹਨ ਕਿਉਂਕਿ ਹੁਣ ਉਹ ਉਨ੍ਹਾਂ ਦੇ ਪ੍ਰਤੀ ਜਿੰਮੇਵਾਰ ਨਹੀਂ ਹੈ।
(11) ਉਹ ਨਵਾਂ ਚੇਲ੍ਹਾ ਨਾ ਹੋਵੇ
ਜੇਕਰ ਕਿਸੇ ਵਿਅਕਤੀ ਨੂੰ ਜਲਦੀ ਦੇ ਨਾਲ ਕੋਈ ਅਧਿਕਾਰ ਵਾਲਾ ਅਹੁਦਾ ਮਿਲ ਜਾਵੇ, ਤਾਂ ਉਹ ਘਮੰਡੀ ਹੋਣ ਦੇ ਪਰਤਾਵੇ ਵਿੱਚ ਪੈ ਸਕਦਾ ਹੈ। ਘਮੰਡ ਉਹ ਪਾਪ ਹੇ ਜਿਸ ਦੁਆਰਾ ਸ਼ੈਤਾਨ ਪਾਪ ਦੇ ਵਿੱਚ ਡਿੱਗਿਆ ਸੀ। ਤਰੱਕੀ ਹੌਲੀ ਦੇ ਨਾਲ ਤਜ਼ੁਰਬੇ ਦੇ ਨਾਲ ਦਿੱਤੀ ਜਾਣੀ ਚਾਹੀਦੀ ਹੈ।
► ਜੇਕਰ ਕਿਸੇ ਵਿਅਕਤੀ ਨੂੰ ਜਲਦੀ ਨਾਲ ਕੋਈ ਅਹੁਦਾ ਦੇ ਦਿੱਤਾ ਅਤੇ ਉਹ ਸਹੀ ਕੰਮ ਨਾ ਕਰ ਪਾਏ ਤਾਂ ਇਸਦੇ ਨਾਲ ਕੀ ਨੁਕਸਾਨ ਹੁੰਦਾ ਹੈ?
(12) ਨੇਕਨਾਮੀ ਹੋਵੇ
ਕਿਸੇ ਵਿਅਕਤੀ ਦੇ ਪਾਸਬਾਨ ਨਿਯੁਕਤ ਕੀਤੇ ਜਾਣ ਤੋਂ ਪਹਿਲਾਂ, ਉਸ ਵਿਅਕਤੀ ਦੀ ਕਲੀਸਿਆ ਤੋਂ ਬਾਹਰ ਵਾਲੇ ਲੋਕਾਂ ਦੇ ਵਿੱਚਕਾਰ ਚੰਗੀ ਗਵਾਹੀ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਇਹ ਵਿਅਕਤੀ ਆਪਣੇ ਸਾਰੇ ਕੰਮਾਂ ਦੇ ਵਿੱਚ ਇਮਾਨਦਾਰ ਅਤੇ ਵਫ਼ਾਦਾਰ ਹੈ। ਜੇਕਰ ਉਸਦੇ ਪਰਿਵਰਤਿਤ ਹੋਣ ਤੋਂ ਪਹਿਲਾਂ ਉਸਦੀ ਗਵਾਹੀ ਖ਼ਰਾਬ ਸੀ ਤਾਂ ਫਿਰ ਪਾਸਬਾਨ ਬਣਨ ਤੋਂ ਪਹਿਲਾਂ ਉਸਨੂੰ ਆਪਣੀ ਗਵਾਹੀ ਬਿਹਤਰ ਬਣਾਉਣ ਦੇ ਲਈ ਸਮੇਂ ਦੀ ਜਰੂਰਤ ਹੈ।
► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ਤੀਤੁਸ ਨੂੰ 1:5-11 ਨੂੰ ਪੜਣਾ ਚਾਹੀਦਾ ਹੈ।
ਤੀਤੁਸ ਨੂੰ ਦੇ ਵਿੱਚ ਦੱਸੀਆਂ ਜਿਆਦਾਤਰ ਯੋਗਤਾਵਾਂ ਵਚਨ ਦੇ ਵਿੱਚ ਭਾਗ ਵਿੱਚ ਵੀ ਦੱਸੀਆਂ ਹੋਈਆਂ ਹਨ ਤਿਮੋਥਿਉਸ ਨੂੰ ਪਹਿਲੀ ਪੱਤ੍ਰੀ।
► ਤੀਤੁਸ ਨੂੰ ਦੇ ਵਿੱਚ ਇੱਕ ਪਾਸਬਾਨ ਦੀਆਂ ਹੋਰ ਵਧੇਰੇ ਕਿਹੜੀਆਂ ਯੋਗਤਾਵਾਂ ਦੱਸੀਆਂ ਹੋਈਆਂ ਹਨ?
[2] ਵਚਨ ਦਾ ਇਹ ਭਾਗ ਇੱਕ ਪਾਸਬਾਨ ਝੂਠੀ ਸਿੱਖਿਆ ਦਾ ਵਿਰੋਧ ਕਰਨ ਦੀ ਯੋਗਤਾ ਤੇ ਜ਼ੋਰ ਦਿੰਦਾ ਹੈ। ਇੱਕ ਪਾਸਬਾਨ ਆਪਣੀ ਕਲੀਸਿਆ ਦੀ ਸੁਰੱਖਿਆ ਕਰਦਾ ਹੈ। ਉਸਨੂੰ ਕਲੀਸਿਆ ਦੀ ਝੂਠੀ ਸਿੱਖਿਆ ਅਤੇ ਬੁਰੇ ਪ੍ਰਭਾਵਾਂ ਤੋਂ ਰਖਵਾਲੀ ਕਰਨੀ ਚਾਹੀਦੀ ਹੈ। ਉਸਨੇ ਆਪਣੇ ਲੋਕਾਂ ਨੂੰ ਸਿਖਾਉਣਾ ਚਾਹੀਦਾ ਹੈ ਤਾਂ ਕਿ ਉਹ ਆਪਣੇ ਧਰਮ ਸਿਧਾਂਤਾਂ ਦੇ ਵਿੱਚ ਮਜ਼ਬੂਤ ਰਹਿ ਸਕਣ। ਉਸਨੂੰ ਲੋਕਾਂ ਨੂੰ ਆਤਮਿਕ ਖ਼ਤਰੇ ਦੇ ਬਾਰੇ ਚੁਣੌਤੀ ਦੇਣ ਦੇ ਲਈ ਤਿਆਰ ਹੋਣਾ ਚਾਹੀਦਾ ਹੈ।
► ਕੀ ਹੋਵੇਗਾ ਜੇਕਰ ਪਾਸਬਾਨ ਉਨ੍ਹਾਂ ਆਤਮਿਕ ਖ਼ਤਰਿਆਂ ਦੇ ਬਾਰੇ ਜਾਗਰੁਕ ਨਹੀਂ ਹੋਵੇਗਾ ਜਿੰਨ੍ਹਾਂ ਦਾ ਸਾਹਮਣਾ ਉਸਦੇ ਲੋਕ ਕਰ ਰਹੇ ਹਨ?
ਪਾਸਬਾਨ ਸੱਚੇ ਧਰਮ ਸਿਧਾਂਤਾਂ ਵਿੱਚ ਚੰਗੀ ਤਰ੍ਹਾਂ ਦੇ ਨਾਲ ਸਿੱਖਿਅਤ ਹੋਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਦੀ ਵਿਆਖਿਆ ਕਰਨ ਦੇ ਵੀ ਯੋਗ ਹੋਣਾ ਚਾਹੀਦਾ ਹੈ। ਇਸਦਾ ਉਦੇਸ਼ ਅਜਿਹੇ ਲੋਕਾਂ ਨੂੰ ਸੁਧਾਰਨਾ ਹੈ ਜੋ ਝੂਠੀ ਸਿੱਖਿਆ ਦੇ ਵਿੱਚ ਹਨ, ਪਰ ਇਸਦੇ ਨਾਲੋਂ ਵੀ ਜਿਆਦਾ ਮਹੱਤਵਪੂਰਨ ਹੈ ਕਲੀਸਿਆ ਨੂੰ ਕਿਸੇ ਗ਼ਲਤ ਪਾਸੇ ਵੱਲ ਜਾਣ ਤੋਂ ਬਚਾਉਣਾ।
[1]
“ਪਾਸਬਾਨੀ ਦੇਖਭਾਲ ਦੇ ਨਾਲ ਸ਼ੁਭਸਮਾਚਾਰ ਦਾ ਪ੍ਰਚਾਰ ਸੇਵਕਾਈ ਦੇ ਨਾਲ ਸੰਬੰਧਿਤ ਹੈ, ਅਤੇ ਇਹ ਪਰਮੇਸ਼ੁਰ ਦੇ ਦੁਆਰਾ ਪਾਪੀਆਂ ਦੇ ਪਰਿਵਰਤਨ ਅਤੇ ਵਿਸ਼ਵਾਸੀਆਂ ਦੀ ਉੱਨਤੀ ਦੇ ਲਈ ਤਿਆਰ ਕੀਤਾ ਗਿਆ ਹੈ। ਇਸਦੇ ਲਈ ਬਹੁਤ ਹੀ ਸਹੀ ਹੈ ਕਿ ਇਸ ਸੇਵਾ ਦੇ ਲਈ ਪਰਮੇਸ਼ੁਰ ਆਪਣੇ ਕਾਮਿਆਂ ਦੀ ਚੋਣ ਕਰੇ, ਅਤੇ ਉਨ੍ਹਾਂ ਖਾਸ ਤੌਰ ਤੇ ਉਸਦੀ ਸੇਵਾ ਦੇ ਲਈ ਬੁਲਾਵੇ।”
- ਜੋਨ੍ਹ ਮਿਲੇ,
[2]
“ਸਰਬ-ਸ਼ਕਤੀਮਾਨ ਪਰਮੇਸ਼ੁਰ, ਸਾਡੇ ਸਵਰਗੀ ਪਿਤਾ, ਜਿਸਨੇ ਤੁਹਾਨੂੰ ਇਹ ਸਭ ਕੁਝ ਕਰਨ ਦੇ ਲਈ ਚੰਗੀ ਇੱਛਾ ਦਿੱਤੀ ਹੈ, ਉਹ ਤੁਹਾਨੂੰ ਅਜਿਹਾ ਕਰਨ ਦਾ ਬਲ ਅਤੇ ਤਾਕਤ ਵੀ ਦੇਵੇ; ਕਿ ਉਹ ਉਸ ਭਲੇ ਕੰਮ ਨੂੰ ਪੂਰਾ ਕਰ ਰਿਹਾ ਹੈ ਜੋ ਉਸਨੇ ਤੁਹਾਡੇ ਵਿੱਚ ਸ਼ੁਰੂ ਕੀਤਾ ਹੈ, ਤਾਂ ਸਾਡੇ ਪ੍ਰਭੂ ਯਿਸੂ ਮਸੀਹ ਦੇ ਦੁਆਰਾ ਉਸਦੇ ਤੁਸੀਂ ਆਖਰੀ ਦਿਨ ਦੇ ਵਿੱਚ ਸੰਪੂਰਨ ਅਤੇ ਨਿਰਦੋਸ਼ ਪਾਏ ਜਾਓ। ਆਮੀਨ।”
- “ਬਿਸ਼ਪਾਂ ਦਾ ਮਸਹ ਕੀਤਾ ਜਾਣਾ”
Next
