Ұлы көшбасшылықтың үлгісі
Исаның шәкірттерімен соңғы кешкі асы Құтқарылу мейрамының қарсаңында еді. Дастарқан басында қызметші қонақтардың аяғын жуатын дәстүр болған. Бұл жұмысты әдетте ең төменгі құлдар атқаратын.
Бұл ас уақытында Иса мен шәкірттері ғана болды. Шәкірттердің ешқайсысы құлдың істейтін жұмысын істегісі келмегендіктен, олардың ешқайсысы бұл істі атқаруға ниет білдірген жоқ. Олар Аспан патшалығында жоғары лауазымға ие болатындарына әлі де үміттеніп жүрді.
Біз Петірдің Жоханға былай айтқанын елестете аламыз: «Аяқ жуу рәсімін сен атқаруың қажет». Мүмкін Жохан былай деп жауап берген шығар: «Жоқ, мен мұны істемеймін; Жақып мұны істеуі керек». Олардың ешқайсысы құлдың рөлін атқарғысы келмеді. Астан кейін Иса дастарқан басынан тұрып, суды алып, беліне алжапқыш байлап, аяқ жууды бастады. Шәкірттердің сол кезде ұялғаны сөзсіз.
Петір Исаны қатты құрметтейтінін айтып, аяқ жуғызудан бас тартты. Иса Петірге: «Егер сені жумасам, онда Менімен тығыз қатынаста бола алмайсың», - деді. Ол кішігірім тапсырманы инкарнацияның негізгі мақсатын көрсету үшін пайдаланды. Киелі Кітапта тағы мынадай үзінді бар: “Мен Құдай тағайындаған Билеуші бола тұра, Өзіме қызмет еткізуге емес, Өзім қызмет етіп, көптеген адамдардың азаттық төлемін өтеу үшін жанымды қиюға осы дүниеге келдім” (Матай 20:28). Оның өлімі арқылы жасаған қызметі оның басқа да көптеген қызметтерімен, соның ішінде сол кездегі аяқ жууымен көрсетілді. Егер адам Исаның қызметін қабылдамаса, ол Құдай Патшалығының бөлігі емес.
Сонда Иса: “Мен не істегенімді түсіндірейін”, -деді. Ол әлемдік жүйеде әдетте көшбасшыға барлығы қызмет ететінін айтты, бірақ Құдай патшалығында көшбасшылық қызмет етуде екенін түсіндірді.
Көшбасшылыққа дұрыс көзқарас – бұл бәріне қызмет ету. Адамдардың мұқтаждықтарын ойлап, сол мұқтаждықтарды шешудің жолын тапқан адам басшы болады. Халық өздерін ойлайтын, қажеттіліктерін қанағаттандыра алатын басшыны қалайды. Адамдар билікті солардың мүддесі үшін пайдаланатын адамды билік басына коюға дайын.
Бір топ сарбаз ағаштан үй салып жатыр екен. Олар ауыр бөренені көтере алмай әуре болды, ал олардың сержанты оларға айқайлап, дауыс көтеріп жатты. Бір адам өтіп бара жатып, осыны көріп, сержантқа: «Неге оларға көмектеспейсіз?» - деді. Сержант ашуланып: «Мен сержантпын ғой» деп жауап берді.
Сонда ол адам сарбаздарға қосылып, бөренені көтеруге көмектесті, сосын сырт киімін шешім формасын көрсетіп: «Мен генералмын», - деді. Ол генерал Джордж Вашингтон болған еді, кейін ол Америка Құрама Штаттарының президенті болды.
Тіпті дүниежүзілік жүйеде де қызмет етуге ұмтылу жоғарылатуға әкеледі. Бұны кейбір лауазымдардың атауларынан да байқауға болады: мысалы, Ұлыбритания үкіметінде ең жоғары лауазым премьер-министр болып табылады, ол сөзбе-сөз аударылғанда «бірінші қызметші» дегенді білдіреді. Тарихтың ең ұлы көшбасшылары адамдардың қажеттіліктеріне қызмет еткендер болды. Дүниедегі көшбасшылар әрқашан дұрыс ниетте қызмет ете бермейді, бірақ Исаның ізбасарларында қызмет етуді қалайтын жүрек болуы қажет.
Колледж президенті кеңсесіне бірнеше сөмкелермен келді. Ол бір студенттен көмек сұрағанда, студент: «Мен малай емеспін» деп жауап берді. Басқа студент бірден: «Мен көмектесе аламын; Мен малаймын» - деді. Көп жылдардан кейін екінші студент колледждің президенті болды.
