Lesson 13: Мәсіхші жетекшінің мінез-құлқы

Бұл сабақта қарастыратын Жазба үзінділері бағушыларға, қауым қызметшілеріне және басқа қауым жетекшілеріне қатысты. Сабақты, шағын топты немесе мадақтауды жүргізетін әрбір адам – ​​жетекші. Бұл адамдарды қауым мақұлдауы керек, сондықтан олар мәсіхшілік мінез-құлықтың жақсы үлгісі болуы керек.

Жетекшінің мінезі оның табиғи қабілеттерінен маңызды. Құдай мәсіхші жетекшінің қызметіне байланысты қажетті қабілеттер береді.

► Студенттердің біріне дауыстап Тімотеге 1-хат 3:1-7 оқуды ұсыныңыз.

Егер адамның ниеті дұрыс болса, бағушы болғысы келетін адамның еш айыбы жоқ. Егер ол абырой, билік немесе ақша табуды көздесе, онда оның бағушылық жүрегі жоқ; ол адамдарға қызмет етуді қалауы керек.

Бізде бағушы мен қауым қызметшілердің қасиеттері туралы айтатын Жазбаның екі үзіндісі бар. Оларды елші Пауыл Тімоте мен Титке жазған. Тімоте – Ефестегі қауымды, Тит – Криттегі қауымдарды басқарды. Олар жергілікті қауымдарға бағушыларды тағайындады.

Қауымның бірінші буынында бағушы болудың нені білдіргенін елестетіп көріңізші! Сол кездегі бағушының академиялық білімі де, қызметке арналған дайындық кітаптары да, басқа бағушылардың тәжірибесінен үйренуге мүмкіндігі де болмады. Оның қауымның пайда болуының жаңашылдығына байланысты оның тарихын қадағалауға мүмкіндігі болмады; Жаңа Келісімнің көптеген кітаптары ол кезде әлі жазылмаған.

Пауыл Тімотеге қауымының құрметіне қалай ие болу керектігін үйретті. Ол одан сөзінде, мінез-құлқында, сүйіспеншілігінде, рухында, сенімінде және пәктігілігінде үлгі болуды өтінді (Тімотеге 1-хат 4:12). Бағушы адамдардан құрметті талап ету арқылы құрметтке ие болмайды.

► Бағушы құрметке қалай ие бола алады?

Елші Тімоте мен Титке бағушының қасиеттері туралы айтты. Олардың көпшілігі ерекше қабілеттерден гөрі мәсіхшілік мінез-құлық пен жетілуге ​​қатысты. Сондықтан әрбір мәсіхші осы қасиеттерді дамытуы керек.

(1) Мінсіз

Бағушы дұрыс нәрсені жасауы керек. Егер Бағушы дұрыс нәрсені істемесе, басқалардан дұрыс мінез-құлықты талап ете алмайды. Ол мәсіхшілік қағидаттарды ұстануда бірізді болуы керек. Бұл қауым оған сенуі үшін және оның қауымдастық үшін жақсы куәлік болуы үшін қажет.

(2) Бір әйелдің күйеуі

Әлемнің көптеген елдерінде көп әйел алу қалыпты нәрсе болды. Құдай ер адамның бір әйел алуын жоспарлаған. Бұл бағушыға үлгі болу үшін талап болды.

(3) Қырағы

Бағушы – өз қауымының қорғаушысы. Ол өз отарын жалған ілімдер мен теріс әсерден қорғау үшін қырағы болуы керек, сондай-ақ дұрыс ілімдерді үйретіп, рухани қауіп туралы ескертуге дайын болуы керек.

► Егер бағушы қауым мүшелерінің рухани қауіп-қатері туралы білмесе не болады?[1]

(4) Байсалды

Бағушы тез арада шешім қабылдайтын импульсивті емес, өз қызметінде байсалды болуы керек; ол маңызды мәселелерді байыппен ойлауға қабілетті болуы керек және оның ақыл-ойы оны жеке алаңдаушылық, ойын-сауық немесе азғырумен қызметінен алшақтатпауы керек.

(5) Дұрыс жүріс-тұрысты

Бағушы өзін дұрыс және әдепті ұстауы керек және өзі қызмет ететін аймақтың әдет-ғұрпын құрметтеуді үйренуі керек.

(6) Қонақжай

Бағушы басқалардың қажеттіліктеріне жауап беретін адам болуы керек. Ол бөлісуге дайын болуы керек. Сонымен қатар достық қарым-қатынаста болуы керек. Тіпті бірінші рет кездестірген адамдарға көмектесуге дайын болуы керек.

(7) Үйретуге қабілетті

Бағушы шындықты адамдар оны түсіне алатындай етіп жеткізуі керек. Сонымен қатар өзіне оқып, үйренуге жауапкершілік алуы керек.

(8) Маскүнем емес

Қауым жетекшісі шараптың әсеріне түсіп, ішімдікке салынған адам сияқты өзін дұрыс ұстамауға жол бермеуі керек. Бұл қағидат осыған ұқсас әсер ететін кез келген нәрсеге қолданылады.

(9) Зорлық-зомбылықсыз

Бағушы өз мақсатына қорқытумен немесе күш қолданумен ұмтылмауы керек. Бұл жерде физикалық күш қолдану туралы, сондай-ақ ренжітушіге жауап беруге дайындық туралы айтылады (Тімотеге 2-хат 2:24-25 да қараңыз).

► Әділ ашуды көрсетудің дұрыс жолы қандай?

(10) Ашкөз емес

Әлемдегі адамдар өздерінің пайдасын көздеп, сөздердің мағынасын өзгертеді. Кейбір мамандар – заңгерлер, сатушылар немесе саясаткерлер – адамдарға ұнау үшін шындықты бұрмалауға бейім. Бағушылар да бұған азғырылады, өйткені шындық – Құдай Сөзі – бәріне ұнамайды. Қауым жетекшісі қаржылық жағынан пайдалы ма, жоқ па, шындыққа адал болуы керек.

Бағушы қауымның қаржылық жағынан қамтылған болғанын қалауы керек. Нағыз жетекші қауымды өз қауымдастығының мүшелеріне қамқорлық жасайтын отбасы сияқты жұмыс істеуге жетелейді және одан қандай пайда алатынын ойламайды.

(11) Өз үйін жақсы басқаратын

Бағушы балаларын бақылай алатындай, өзінің жетекшілерік қасиеттерін үйде де көрсетуі керек. Егер ол өз үйін басқара алмаса, онда ол қауымды да жетелей алмайды. Бұл оның қамқорлығынан шыққан ересек балаларына қатысты емес, өйткені ол олар үшін жауап бермейді.

(12) Жаңадан сенімге келуші емес

Егер адамға кішкене уақыт аралығында билік сеніп тапсырылатын болса, ол тәкаппарланып кетуі мүмкін. Тәкаппарлық – шайтанның құлауына себеп болған күнә; жоғарылату тәжірибеге сәйкес біртіндеп болуы керек.

► Егер адам лауазымға тым тез тағайындалса және өз міндеттерін орындай алмаса, қандай зиян келтіруі мүмкін?[2]

(13) Жақсы беделге ие

Бағушы болып тағайындалмастан бүрын, өтініш беруші қауымнан тыс қоғамда жақсы беделге ие болуы керек. Ол туралы шыншыл және барлық ісіне адал адам ретінде айтылуы керек. Егер ол өтініш бергенге дейін, оның беделіне қатысты мәселелер орын алған болса, оған оны түзету үшін уақыт қажет.

► Студенттердің біріне дауыстап Титке хат 1:5-11 оқуды ұсыныңыз.

Бағушының көптеген қасиеттері Титке арналған және Тімотеге арналған 1-хатта көрсетілген.

► Титке арналған хаттағы үзіндіде бағушының қандай қосымша қасиеттері жазылған?

Бұл үзінді бағушының жалған ілімдерге жауап беру қабілетіне баса назар аударады. Сенімді түрде түсіндіре алу үшін қауым жетекшісі шынайы ілімді берік ұстануы керек. Мақсат – адасқандарды сендіре алу, бірақ одан да маңыздысы – қауымдастық отбасыларын жалған ілімді қабылдаудан қорғау.

► Студенттердің біріне дауыстап Елшіл. істері 6:1-6 оқуды ұсыныңыз. Бұл үзіндіде қандай мәселе сипатталған?

Алғашқы қауым қызметшілері Елуінші күн мейрамынан кейін көп ұзамай тағайындалды. Олар қауымды басқаруда көп жұмыс болғандықтан қажет болды. Елшілер дұға мен уағызға назар аударуы керек еді, сондықтан жеті адам тағайындалды, олардың кейбіреулері кейінірек жаһандық қызметке тартылды. Қауым қызметшісі бағушыға қызметте көмектеседі; ол уағыздаушы бола алады, бірақ міндетті түрде емес.

► Алғашқы қауым қызметшілері қандай қасиеттерге ие болуы керек еді?

Алғашқы қауым қызметшілерін таңдауда қажет қасиеттер: адалдық, Киелі Рух пен даналыққа бөлену болды. Олар қауымның ақшасын басқарды, сондықтан олардың адал болуы керек болды. Олардың қызметі қауымға рухани әсер етті, сондықтан олардың Рухтың басшылығын, майлануын және тазалығын іздеп, Киелі Рухқа толы болуы қажет болды. Сонымен қатар қауым қызметшілері көптеген қиын мәселелерді шешті, сондықтан олардың даналыққа бөленген болуы маңызды болды.

Елші Пауыл қауым қызметшілеріне қажет кейбір сипаттамаларды тізіп берді.

► Студенттердің біріне дауыстап Тімотеге 1-хат 3:8-13 оқуды ұсыныңыз.

(1) Құрметке ие

Адам қауым қызметшісі болудан бұрын отбасы, достары мен қауымдастықтың құрметіне ие болуы керек.

(2) Шыншыл

Қауым қызметшісі әр сөзіне жауап беретін, сенімді адам болуы керек. Ол қауымдағы адамдардың сынын және қауымдастықтың мәселелері туралы көптеген пікірлерді естиді; ол сөйлеген сөзінде шыншыл болуы керек.

(3) Маскүнем емес

Қауым қызметшісінің ішімдікпен мәселесі болмауы керек; оның мінез-құлқы дұрыс әрі құрметке ие болуы керек.

(4) Пайдақұмар емес

Бағушының көмекшісі қауымда ақшаны басқаруға, сондай-ақ мұқтаж адамдарға қамқорлық жасауға жауапты болады. Сондықтан ол қызметтен пайда іздемеуі керек.

(5) Дұрыс ілімді ұстанатын және ар-ұжданға таза

Адам күнәға батқанда, әдетте қате ілімдерге сене бастайды; егер ол рухани жеңіспен өмір сүрсе, онда шынайы ілімдерге көбірек сенеді.

(6) Тәжірибелі

Адам қауым қызметшісі болмас бұрын, оның қызметке көмектесуге және өзінің дана және сенімді екенін көрсетуге мүмкіндігі болуы керек. Тәжірибелі жетекшілер оған жауапты қызметке тағайындалғанға дейін, қызметте өзін көрсетуге мүмкіндік береді.

► Беделді лауазымға ие болмай, адам қауымның қызметіне қалай көмектесе алады?

(7) Әйелі адал

Егер әйелі өсек айтатын болса және мәсіхші әйелдің жақсы үлгісі болмаса, қауым қызметшісінің қызметі нашарлайды.

(8) Өз үйін жақсы басқарады

Бағушы сияқты, қауым қызметшісі де өз үйін жақсы басқаруы керек.

Қауым – бұл жергілікті қауымның мақсаттары мен міндеттерін орындау үшін өзін Құдайға және бір-біріне арнаған сенушілер тобы. Қызметке керек еңбек пен ресурстар осы топтан келеді; онсыз қауым өмір сүре алмайды.

Дүкенге кіретін бейтаныс адам маңызды, себебі ол әлеуетті клиент. Сол сияқты қауымға келуші де маңызды, себебі ол бағышталған топтың әлеуетті мүшесі. Бизнес үшін ең маңызды адам – ​​тұрақты клиент; қауымда ең маңызды адам – ​​оған бағышталған адам.

Сондықтан қауым қызметкерлері бағышталған топқа қызмет етуі керек. Әрбір бағушы мен тәлімгердің мақсаты – бұл топқа қызмет ету және оған көбірек адамдарды тарту болуы керек. Адамдар құтқарылып, өздерін қауымға бағыштағанда немесе құтқарылған адамдар өздерін қызметке арнау керектігін түсінгенде, топтың сандық көлемі артады. Қызметкерлер топтың қажеттіліктерін зерттеп, шәкірттілікті, рухани басшылықты, қызметке дайындықты және қарым-қатынасты қамтамасыз етуі керек; оған кіретін барлық адамдардың қажеттіліктерін қанағаттандыру үшін топты бірлесіп жұмыс істеуге бағыттау керек.

Сенім отбасысы ретінде, қауым – өзінің адамдық ресурстарын бағыштап; Құдаймен қарым-қатынасы бар және өмірінің барлық саласында Құдайдың даналығын көрсететін барлық мүшелерінің қажеттіліктерін қанағаттандыру үшін, Құдайдың ресурстарын табады және құтқарылмаған адамдарды тәубеге келуге және сенім отбасысына қосылуға шақырады.

► Егер қауым жетекшілерінің басты мақсаты – сенушілердің бағышталған тобын құру болса, қауым қандай болар еді?

Қауым үшін (бағушыны қолдау, қауымдастыққа және басқа да қызметкерлерге қамқорлық жасау үшін) қаржы қажет болса да, оның қызметінің негізгі бағыты – Ізгі хабарды тарату мен шәкірттікпен айналысу. Бағушы рухани жетекші болуы керек, демек оған кәсіп сияқты басқа жүктеме болмауы керек дегенді білдіреді. Ең дұрысы, қауым мүшелерінің жұмысы немесе кәсібі болып, олар табысының оннан бір бөлігін беруі керек. Егер қауымның бизнесі болса, онда оған сенімді қауым қызметшісі жауап беруі керек. Алғашқы қауым қызметшілері елшілер өздерін дұға мен Сөзді уағыздау қызметіне арнауы үшін тағайындалды (Елшіл. істері 6:2-4).

► Студенттер «Бұл қасиет неліктен маңызды?» деген сұрақтан бастап, әр тармақтың маңыздылығын талқылауы керек.

1. Ол тек қауымға ғана адал қызмет етуі керек және өзін басқа ұйымдарға бағыштамауы керек.

2. Ол қызметкерлер тобын құруға және басқалардың мүмкіндіктерін пайдалануға дайын.

3. Ол өз қауымын бір отбасы сияқты болуға жетелейді және оның барлық қажеттіліктерін қанағаттандыруды ойлайды.

4. Ол жеке пайдасы үшін емес, Құдайға және адамдарға деген сүйіспеншіліктің есебінен қауымға қызмет етеді.

5. Оның рухани басымдықтары – ғибадат, Ізгі хабарды уағыздау және рухани өсу болуы керек.

6. Қауым оған сенеді және оған сенімді.

7. Ол қауымды тұрақты әрекет етуші деңгейге жеткізуге дайын, бірақ сонымен бірге оны меншік ретінде қарастырмайды.

8. Ол қауым мүшелерін ондық беру мен бір-бірінің қажеттіліктерін қанағаттандыру үшін қарым-қатынасқа үйрету арқылы қауымды жетілуге ​​жетелейді.

9. Ол барлық нәрседе, оның ішінде ақшаны пайдалануда шынайы әрі адал.

10. Ол ақшаны және қызметкерлерді басқара алатынын көрсетеді.

Қауым қызметін басқаруға таңдалған адам – белгілі бір қасиеттерге ие болуы керек. Қауым жетекшілері қауымдағы міндеттерді орындауға көмектесетін және жетекшілік тобына қосылатын мүшелерде осы қасиеттерді дамыту үшін үнемі жұмыс жасауы керек.

► Студенттер «Бұл қасиет неліктен маңызды?» деген сұрақтан бастап, әр тармақтың маңыздылығын талқылауы керек.

1. Ол жергілікті қауымның қызметіне қатысуға, ондық беруге және қызмет етуде адал; мәсіхші ретінде құрметке ие.

2. Ол қазірдің өзінде өзінің күш-жігері мен ұмтылысын жергілікті қауымға салады.

3. Ол өте шыншыл және мәсіхшілік этика қағидаттарын ұстанады.

4. Ол қазірдің өзінде бастаманы қолға алып, қолынан келгеннің бәрін жасауға дұрыс ынталанған.

5. Ол өзін-өзі тәрбиелейді, ынталы және үнемі жетілдіріп отырады.

6. Ұйымдастырушылық және жетекшілік қабілеттерін көрсетеді, және тек біреудің басшылығымен жұмыс жасамайды.

7. Оған жобадағы рөлін орындау үшін қажетті өкілеттіктер берілген.

1. Жетекшінің мінезі оның табиғи қабілеттерінен гөрі маңызды.

2. Адам жетекші болмай тұрып, мәсіхшілік қасиеттерін көрсетуі керек.

3. Қауымда белгілі бір лауазымға ие адам мәсіхшілік мінез-құлықтың үлгісі болуы керек.

4. Қаржылық басқару қауымның бағушы мен жергілікті қызметкерлерге қолдау көрсетуі және қауымдастыққа қамқор болуы үшін қажет.

5. Қауым Ізгі хабарды тарату мен шәкірттілікке назар аударуы керек.

6. Қауым жетекшілері назарларын қауымға бағышталған адамдар тобын дамытуға аударуы керек.

7. Қауым тұрақты түрде әрекет етуі және қауымдастықтың меншігі болуы керек.

1. 13-сабақ бойынша Жеті қорытынды ұстанымды есте сақтау керек. Студенттер жеті қорытынды ұстанымның әрқайсысына (барлығы жеті абзац) түсініктеме жазып, олардың мәні мен маңыздылығын тақырыппен таныс емес адамдарға түсіндіре алатындай етіп жеткізулері керек. Жазбаша жұмыс келесі сабаққа дейін жетекшіге тапсырылуы тиіс. Талқылау кезінде жетекші сұраса, студенттер топқа белгілі бір пункттер бойынша орындалған тапсырмалардың нұсқаларымен бөлісуге дайын болу керек. Келесі сабақтың басында студенттер есте сақтау қабілеті бойынша, жеті қорытынды ұстанымды жазу керек.

2. Cтудент сабақты немесе сабақтың бір бөлігін топтан тыс адамдарға өткізуді жоспарлауы керек. Сабақты өткізген сайын студент бұл туралы жетекшіге есеп беруі керек.

3. Жазбаша тапсырма: Әр студент Езекиел 34:1-10-ды оқып, осы үзіндінің мәнін қорытындылайтын бірнеше сөйлем жазуы керек.