Lesson 7: Дұға және Ораза

Қауымға бүгінде күшті немесе жаңа технология емес, жаңа ұйымдар немесе жаңа әдістер емес, Киелі Рух қолдана алатын адамдар - дұға ететін адамдар қажет. Киелі Рух әдістер арқылы емес, адамдар арқылы жұмыс істейді. Ол технологияға емес, адамдарға келеді. Ол жоспарларды емес, адамдарды - дұға ететін адамдарды майлайды.[1]

► И.М.Баундс өзінің пікірімен қандай қатені түзеткісі келді?

Дұға Құдайға тәуелділікті білдіреді. Дұға етуге қолы тимейтін адам Құдайдың оның дұғасына жауап беруінен гөрі өз ісін маңызды санайды.

Біз Киелі Рухқа тәуелді болғандықтан, дұға біз үшін маңызды. Пауыл халықтан Ізгі хабардың таралуы үшін дұға етуді сұрады.[2]

► Сиынудың сенушілер үшін маңызды екенін білеміз. Неліктен сиыну Ізгі хабар таратушы үшін өте маңызды?

Ізгі хабар таратушы үшін сиыну маңызды, өйткені:

1. Ізгі хабар таратушы рухани тірі болуы керек. Сиыну – жанның тынысы. Ізгі хабар таратушы өзінде бар Құдаймен қарым-қатынасқа басқаларды да шақырады.

2. Ізгі хабар таратушы Құдаймен бірге дұғада уақыт өткізбесе, қызметке деген дұрыс құлшынысты сақтай алмайды. Дұға етпей, Ізгі хабар таратуға тырысатын адам дұрыс емес ниеттерге ие болады (мүмкін ол табысқа жетуді ойлайды, мүмкін оған пікірталас ұнайды).

3. Ізгі хабар таратушы Киелі Рух күнәкарды әшкерелейді және оғ­ан құтқарылу қалауын береді деп Оған сүйенуі керек. Ізгі хабар - адамның әрекеті емес. Ізгі хабар таратушы Киелі Рухтың күшіне сүйе­неді. Адамның [1]ақыл-ойы ғана күнә­кардың өз кінәсін мойындауына және Құдайды іздеуге ұмтылуына себеп бола алмайды.[2]

4. Ізгі хабар таратушы қасиетті жазбаны қолдануда Құдайға тәуелді.[3]

5. Ізгі хабар таратушыға өз қызметінде Құдайдың басшылығы қажет.[4]

Жеке дұға

Әрбір мәсіхші күнделікті дұға етуі керек, ал Ізгі хабар таратуда тиімді болғысы келетін адам үшін дұғаның маңыздылығы одан да жоғары.

Ол Құдаймен қарым-қатынасқа күн сайын жеке уақыт бөлуі қажет. Бұл мүмкін болса, оңаша жерде болуы керек. Бәлкім ол күнделікті тіршілік басталмай тұрып, ешнәрсеге алаңдамай дұға ету үшін ерте тұруы керек. Егер ерте тұрып дұға етуге мүмкіндігі болмаса, онда азанда Құдаймен сөйлесуге әлі де бірнеше минут бөлуі керек.

Ол күн сайын Киелі Жазбаны оқып, ол туралы ой жүгіртіп, Құдайдан оның өмірінде шындықты орындауын сұрап дұға етуі керек.

Дұға тізімі

Бізге дұға ететін нәрселеріміздің тізімін жасау жақсы. Әйтпесе, біз кейбір маңызды нәрселерді еске түсіре алмауымыз мүмкін. Біз Ізгі хабардың бүкіл әлемге, әсіресе мәсіхшілер қудаланып жатқан елдерде таралуы үшін дұға етуіміз керек. Елімізде Ізгі хабардың таралуы үшін дұға етуіміз қажет. Жергілікті қауымның біздің қоғамда Құдайдың миссиясын орындауы үшін дұға етуіміз керек. Құдай бізге Ізгі хабарды тиімді таратуға көмектесуі үшін дұға етуіміз керек.

Сондай-ақ тізім адамға зейін қою қиын болған сәттерде дұға етуге көмектеседі.

Дұға еткен сайын тізім бойынша дұға етудің қажеті жоқ. Кейде сіз белгілі бір нәрселер үшін дұға ету қажеттілігін сезінесіз және сіз оларды тізімсіз есте сақтай аласыз.

[1]► Біздің тізімде тағы басқа қандай мұқтаждықтар болуы қажет?

Дұғаға қосу керек есімдердің тізімі

Өзіңіз білетін, құтқарылуға мұқтаж он адамның тізімін жасаңыз. Бұл сіз жиі араласатын адамдар болуы керек. Олар үшін күн сайын дұға етуге міндеттеме алыңыз. Құдай мүмкіндік берсе, олармен сөйлесіңіз. Егер олармен сөйлесе алмасаңыз, дұға ете беріңіз. Осылай істеген басқа адамдардың айтуынша, егер сіз мұны жасасаңыз, бұл адамдардың кейбірі жылдың соңына дейін құтқарылады.

Дұға серіктестері

Мәсіхші үшін үнемі бірге дұға ететін досы болғаны жақсы. Олар мұқтаждықтар мен қуаныштарды бірге бөлісе алады. Олар апта сайын немесе жиі кездесіп тұра алады.

Ерлі-зайыптылар осылай бірге дұға ете алады. Бірақ күйеуінің бірге дұға ететін ер досы, ал әйелінің бірге дұға ететін әйел досы болғаны жақсы.

► Топтағы студенттердің қайсысында дұға серіктесі бар?

Аумақты аралап сиыну

Аумақты аралап сиынуды қауым өз аймағындағы адамдар үшін жауапкершілікті сезінгенде жасауға болады. Қауым мүшелерінен құралған топ немесе бір адам аумақты аралап, оның мұқтаждықтары үшін сиынады. Сиыну үнсіз болуы мүмкін. Оларға кездескен адамдармен сөйлесуге болады, бірақ аумақты аралаудың негізгі мақсаты - сиыну. Аумақты аралап сиынуды қызметтің басында немесе одан кейін жасауға болады.

Сиыну орны

Кейбір қауымдар көп адам жүретін қоғамдық орындарға «сиыну орны» деп жазылған тақтайша қойып, өтіп жатқан адамдарды өздерімен бірге дұға етуге шақырады. Олар: «Біз сіздің қандай мұқтаждығыңыз үшін дұға еткенімізді қалайсыз?» деп сұрайды. Олар пікірталас жасамай, халықтың мұқтаждықтарын ойлайды. Көбінесе осы кезде оларда Ізгі хабармен бөлісу мүмкіндігі пайда болады.

► Сіздің аймағыңызда сиыну орындары үшін қандай жер жақсы болар еді?

Иса мен шәкірттерінің дұғалары бізге не үшін дұға ету керектігін көрсетеді, өйткені олар Құдайдың еркіне сай дұға етті. Соның үш мысалы төменде көрсетілген.

Иеміздің дұғасы: Матай 6:9-13-те Иса шәкірттеріне дұға ету үлгісін көрсетті. Біз осы үлгі бойынша дұға ете аламыз, бірақ қалған дұғаларымыз да осы басымдықтарға сай жасалуы керек.

Пауылдың Ефестіктер үшін еткен дұғасы: Ефестіктерге 3:14-19-да Пауыл сенушілердің рухани нығайюы үшін дұға етті. Өзіміз үшін де, өзгелер үшін де солай дұға етуіміз керек.

Егін үшін дұға: Матай 9:36-38-де Иса шәкірттерінің күнәкарларға жанашырлық танытып, Құдайдың рухани егін жинауға жұмысшыларды жіберуін сұрағанын қалады.

Ораза – біздің назарымызды физикалық және уақытша нәрселерден рухани және мәңгілік нәрселерге аудару құралы. Бұл рухани және мәңгілік нәрселер біз үшін физикалық және уақытша нәрселерден маңыздырақ екенін көрсетеді. Бұл сенімімізді күшейтетін құрал.

► Құдайды бір нәрсе істеуге мәжбүрлеу үшін жасалған аштықтан оразаның не айырмашылығы бар?

Киелі кітапта жазылған оразаның мысалдары, біреу оның өміріне Құдайдың араласуын сұрап, ораза ұстаған кездері. Бұл мысалдар Киелі кітапта ораза ұстау дұрыс екенін көрсету үшін Жазбадағы көптеген үзінділерден таңдалған. Құдайдың белгілі бір оқиғаларға неліктен араласқанын түсіндіру үшін Жазбада ораза жиі айтылады.

► Студенттердің ораза туралы аяттардың бірін оқып, үзіндіде сипатталған жағдайды талқылауы керек.

Иса шәкірттеріне олармен бірге болмаған кезде ораза ұстауды бұйырды.[1] Оларға оразаны дұрыс ұстау туралы нұсқау берді. Сондай-ақ ол оразаны басқа адамдарға көрсетіп ұстамау керектігін айтты.

Ораза ұстағанда екі жүзділердей беттеріңді тұнжыратып жүрмеңдер! Олар ораза тұтқандарын мұңайған түрлерімен жұртқа әдейі білдіреді. Сендерге шындығын айтамын: олар алмақ сыйларын осымен-ақ алып қойды. Ал сендер ораза ұстағанда да бастарыңды жуып, шаштарыңды ретке келтіріңдер. Осылайша ораза ұстағандарыңды жұрт емес, көзге көрінбейтін Әкелерің ғана білетін болсын. Сонда құпия істердің бәрін де көретін Әкелерің сендерге сыйын бермек.[2]

Алғашқы қауымдағы кейбір сенушілер жыл сайынғы ораза күндерінен басқа әр сәрсенбі және жұма күндері ораза ұстады. Мартин Лютер, Джон Кальвин, Джон Нокс, Джонатан Эдвардс, Чарльз Финни, Д.Л.Муди көп ораза ұстаған. Джон Уэсли және алғашқы әдіскерлер көп ораза ұстаумен танымал болды. Әрбір жаңғыру ораза мен сиынудан басталды.

► Ораза мен сиынудың арқасында жақсы нәтижеге жеткен қандай адамдарды білесіз?

Иса шәкірттеріне сенімдері әлсіз болғандықтан жын соққандарға көмектесе алмайтындарын айтты. Сонда ол: «Мұндай жындарды тек Құдайға сиынып, ораза ұстаумен ғана қуып шығаруға болады», - деді.[1] Ол сиыну мен ораза сенімге ие болудың құралы, демек, сенімсіздіктің «емі» екенін меңзеді. Бұл шәкірттер оразаны тек дағдарыс кезінде ғана ұстау керек дегенді білдірмейді. Ол дағдарыстарды жеңуге қажетті сенімге ие болу үшін тұрақты сиыну мен ораза олардың өмірлерінің бір бөлігі болуы керек дегенді білдірді.

Исаның сөздеріне, Киелі жазбадағы үзінділерге және оразаның тарихи мысалдарына сүйене отырып, біздегі жарылқауларды бірнеше деңгейге бөлінген пирамида түрінде суреттей аламыз. Төменгі жарылқауларға сенім арқылы дұғамен жетуге болады. Ал жоғарғы жарылқауларға сенім арқылы сиыну және ораза ұстаумен қол жеткізе аламыз.

• Ораза тек сыртқы әрекет емес, рухани жаңару және сеніміңіздің нығаюы үшін сиыну мен оразаны бірге ұстаңыз.

• Тәкаппарлықтан емес, Құдайды мадақтау ниетімен ораза ұстаңыз.

• Сиынып, ораза ұстап, мұқтаждығыңызға қатысты Құдайдың қалауын іздеңіз.

• Оразаны мойынсұнушылықпен алмастырмаңыз.

• Денеңізге зиян келтірмеңіз.

► Сынып бірге қалай сиыну мен ораза ұстау керектігін талқылауы керек.

Ораза дұрыс ұсталса, денсаулыққа зиян емес. Расында, тұрақты түрде ораза ұстау денсаулыққа пайдалы.

• Ораза кезінде су ішіңіз. Сусыз ораза ұстауға болмайды.

• Бір күндік оразадан бастаңыз. Содан кейін ораза уақытысын біртіндеп ұзартыңыз. Бір күндік оразалар арасында кем дегенде бір апта қалыпты түрде тамақтаныңыз.

Ораза ұстауға дағдыланбаған адамдардың жүрегі айнуы немесе басы айналуы мүмкін. Бұл қалыпты жағдай. Дені сау адам оразаны тұрақты түрде ұстаса, алғашқы кезде болған жағымсыз нәрселер енді қайталанбайды. Ауыздағы жағымсыз дәм мен иіс ағзаның токсиндерден арылуына байланысты болады.

Ұзақ уақыттағы ораза кезінде көптеген жағымсыз белгілер бірнеше күннен кейін жоғалады.

• Ұзақ мерзімді оразаны шырынмен аяқтап, одан кейін жеңіл тамақ жеңіз.

(1) Өзіңіздің сиыну практикаңызды дамыту үшін не істейтініңізді ойлаңыз. Күнделікті сиынуды қаншада жасайтыныңызды және оған қанша уақыт бөлетініңізді шешіңіз. Оразаны тұрақты түрде ұстауды жоспарлауға тырысыңыз.

(2) Ораза туралы екі үзінді оқып шығыңыз. Жағдайды және оразаның нәтижесін түсіндіре отырып, олардың әрқайсысы туралы өз ойыңызды жазыңыз.